Ўш вилоятидаги энг йирик чорвачилик бозори «Учқун» 2 ҳафтага ёпилди. Бу ҳақда бугун, 26-октабрь куни ҳокимнинг ўринбосари Меҳринса Жўрўева айтиб ўтди.
Унга кўра, қарор тожливирусга қарши кураш бўйича туман штаби томонидан қабул қилинган.
«Чорвачилик бозори ҳозирда икки ҳафтага ёпиқ ва вазият барқарорлашгандан кейин қайта ишлайди. Аммо бошқа бозорлар ёпилмади. Бозорда шароитлар яратилмоқда ”, – дейди Жўрўева.
